Geisp...

Æ er eitthvað voðalega mikið krumpudýr í dag ! Er nú samt búin að koma ýmsu í verk, fór um allan bæ í morgun og græja þvott og föt þar sem að ég vil ekki lenda í að þurfa að vera að þvo allt sem á að pakka niður um helgina Hlakkar ýkt til að vera í Köben en get ekki sagt að mig hlakki til flugvallana ...hef bara fengið meira en nóg af þeim í bili, en sem betur fer er ekki mikil bið á milli ferða......en allavega over and out í er farin út að labba með karlrembuhundinn til að sjá hvort ég vakni ekki !

Anda djúpt og telja upp á hundrað !!!!

Að fara hér á pósthúsið til að nota bankann getur gert mann galinn !!! Ég þurfti að fara þangað í morgun þar sem ég þurfti að setja pening inn á kort hjá Geithafrinum áður en við förum til Köben ( Pabbi hans gaf okkur jólagjöfina fyrirfram í gær.) Ég var reyndar alveg viss um að þetta gengi illa þar sem ég hef gert þetta einu sinni áður og þá var þetta varla hægt þar sem þær vildu meina að bara eigandinn gæti lagt inn á kortið. Right....ég meina ok allt í lagi að eigandi geti bara tekið út en ef að einhver vill leggja inn af hverju á það ekki að vera ok ???

En ég allavega fór og þegar ég komst að að þá var ég eini kúnninn ég fékk blað til að fylla út hjá gjaldkeranum og það tók enga stund en hún mátti ekkert vera að að taka við því aftur því að hún var núna upptekin við að lesa sms eftir að bíða og bíða að þá sagði ég er þetta ok sem ég er búin að fylla út, þá tók hún blaðið og hélt áfram að lesa sms  En loksins var hún tilbúin að klára afgreiðsluna og þegar hún fór að telja peningana að þá vantaði smá horn á einn seðilinn og þá hófst mikið vesen. Þær tækju ekki við svona seðlum það yrðir að fara með þá í bankann, hvort ég ætti ekki annan ( nákvæmlega ég geng með fullt veski af stórum seðlum eða þannig...viltu velja seðil ?) en halló þessi seðill kom úr bankanum í gær og þá svona með smá horn rifið. Þær ætluðu að senda mig í bankann en ehemm halló þær eru banki !!!!  Eftir langa mæðu hafðist þetta þó en ég var alveg á mörkunum með að segja bara hætta við þetta allt, og senda Geithafurinn þegar hann er búinn að vinna.

Og annað banka tengt...ég hef oft sett í krukku cent og svona smápeninga eins og ég hef oft gert heima og taldi að hér gæti ég bara farið í bankann og þeir myndu telja og skipta eins og þar...en nei það er víst ekki þeir vilja ekki klink ! Þú verður að fara með þetta í búð og reyna að fá þá til að skipta þessu

Fyrst ég er byrjuð á þessum pirr pistli að þá er alveg eins gott að hafa þetta með....ég er alveg á mörkunum á að gerast hundamorðingi !!!! Frá rúmlega 6 alla morgna og fram eftir kvöldi er stanslaust voff voff voff !! Helv.... hundurinn stoppar aldrei. Ég meina það er ekkert að því að heyra gelt stundum en þegar það er orðið stanslaust 12 tíma eða meira á dag að þá er það orðið of mikið !! Það er ekki eins og hann sé einn heima það er fólk heima það er sama hvort hann er inni eða úti það er bara gelt stanslaust.

En jæja ég læt þessu pirrings bloggið lokið að sinni...ciao ciao

Föstudagur

Jæja þá er ein enn vikan að verða búin ! Ótrúlegt hvað tíminn líður hratt   Ég er nú ekki komin í neina jólastemmingu en það eru auðvitað allar búðir fullar af jóladóti og hafa verið í soldinn tíma. Það er spurning hvort að maður fer í jólafíling eftir Köben og fer að skreyta húsið soldið..það væri nú alveg ágætist tilbreyting þar sem hinir íbúar húsins eru ekki mikið skreytinga glaðir.

Annars er ekkert að gerast hér frekar en fyrri daginn, ég er búin að eyða deginum í þrif og meiri þrif semsagt rosafjör ! Já og borða hjúplakkrís þar sem ég fékk umslag í póstinum í morgun

Bjöllur !

Ég þoli ekki bjöllur  Sem betur fer var ég ein heima áðan annars veit ég ekki hvað fólk hefði haldið ! Ég semsagt fór niður að ná í þvott, tók úr vélinni og greip svo með mér upp nokkur þurr handklæði. Ég henti þeim á rúmið og hljóp út með blauta þvottinn til að hengja hann út. Þegar ég kem inn aftur fer ég að brjóta saman og um leið og ég tek upp handklæði kemur þessi risa bjalla í ljós  ég náttúrlega henti því frá mér en þá lenti náttúrlega bjallan á rúminu mínu....og ég þoli sko ekki skordýr þar !!! Ég hljóp að ná mér í bréf til að taka hana upp ...ojjj bara gat ekki hugsað mér að henda henni í ruslið svo að hún kæmi ekki skríðandi þar upp aftur og ekki gat ég kramið hana með puttunum þannig að ég flýtti mér út á tröppur í bréfinu með hana og grýtti henni eins langt og ég gat. Væri alveg til í að þessi dýr færu að hverfa, það er komin nóvember þannig að það er eiginlega alveg kominn tími á það.

Þar kom að því !

Þar sem hin síðan min virðist hafa gefið upp öndina og ekkert hefur gerst þar í tvær vikur til að laga dæmið að þá ákvað ég að prufa þetta dæmi hér.

Ég hef reyndar ekkert spennandi að segja eins og er það er ekkert sem gerist nema það styttist í Köben náttúrlega  Ekki nema rúm vika bara...ótrúlegt hvað tíminn líður hratt stundum !

Annað sem ég hef komist að á síðustu dögum er tannsar á Íslandi eru ekki dýrir !! Geithafurinn fór til tannsa, þurfti að fara tvisvar og var í allt ca tvo og hálfan tíma og fyrir þetta borgaði hann ábyggilega 10 sinnum meira en ég hef gert heima. Ég ætlaði ekki að trúa að einn klukkutími hjá tannsa gæti kostað 500 evrur  en svona er þetta víst hér.

En jæja læt þetta duga í bili....ciao ciao