Asnaleg vinnuvika.

Ég átti að vera í þriggja daga fríi núna í byrjun vikunnar en sökum aukavaktar og vaktaskipta að þá verð ég að vinna annan hvern dag þess vikuna. En það er reyndar fínt að vera svoleiðis stundum, kann betur við það en langar tarnir.

Annars er ég ekki í neinu bloggstuði þessa dagana enda ekki mikið um að skrifa. Ekki mikið annað gert en vinna síðan ég kom á klakann.

Þreytt!

Er skelfilega þreytt í dag enda er þetta vinnuhelgi þannig að það er ekkert hægt að sofa mikið lengur en til 6 á morgnana. Annars er þetta bara fín helgi og góð vakt þannig að þótt það sé mikið að gera að þá er þetta bara fínt. Er viss um að ef ég fer að horfa á imbann að ég sofni bara, en ég er reyndar ekkert spennt fyrir Eurovision hef ekki horft á þetta árum saman. Annars er ekkert að gerast...bara vinna og vinna og einhvernvegin verður ekki mikið úr öðru, dagarnir renna saman og það er alltaf helgi eins og venjulega.

Leti..

Eiginlega ekki hægt að segja annað en það sé leti í gangi. Ég vann í tvo daga og svo er ég í þriggja daga fríi sem er reyndar bara ljúft sko. En á morgun verð ég víst aftur að drösla mér á fætur rúmlega sex. Annars leggst sumarið bara nokkuð vel í mig þótt það hafi orðið ansi miklar breytingar á vinnustaðnum og svo eru hinar sumarafleysinga manneskjurnar ekki byrjaðar þannig að ég veit í raun ekkert með hverjum ég verð að vinna í sumar.

Annars er ekkert að gerast ég er loksins búin að taka upp úr töskunni ...sko tók ekki nema viku.  Er ekki að nenna neinu þessa dagana.

...........

Hef ekki mikið að segja þessa dagana ! Er byrjuð að vinna og þetta verður eflaust ágætt eins og venjulega. Er reyndar ekki búin að hitta hinar sem eru að leysa af í sumar en þetta hlýtur að reddast.  

Fór í smá göngu eftir vinnu í rigningarúða og það var reglulega hressandi. Hitti líka slatta af fólki sem ég hef ekki séð lengi, rakst á gamlan nágranna sem ég hef ekki hitt í ábyggilega 20 ár og svo er ég búin að vera að hitta gamalt samstarfsfólk á förnum vegi.

En ég enda þetta á afmælisóskum til hans litla bróður sem er víst 25 ára í dag.  Skelfing er maður orðin gamall...fyrr í mánuðinum voru liðin 23 ár síðan ég var fermd.  

 

Klakinn

Er komin á klakann eftir langt ferðalag ! Er komin með nóg af flugvöllum og flugvélum í bili. Það var frekar kalt að koma úr 25 stiga hita og koma út í rigninguna í gærkvöldi...birrrrr en það góða er að hér eru engar moskító sem voru farnar að verða ansi pirrandi síðustu daga. En allavega meira síðar...

Zzzzzz

Ég var búin að ákveða það að hafa daginn í dag nokkurskonar hvíldardag en það borgar sig ekki að gera þannig plön það er alveg ljóst. Hef sjaldan haft meira að gera. Fjörið byrjaði rétt fyrir miðnætti í gærkvöldi þegar ég sat hér við tölvuna að þá fór ég að heyra mjög svo skrítið hljóð ..það er ekki hægt að lýsa því nema að það var næstum eins og það væri verið að drepa grís. Við Geithafurinn stukkum upp og komust að því að þetta væri í hundinum sem hafði verið sofandi niðri í stólnum sínum síðast þegar við vissum. En hann semsagt var með þessi skelfilegu hljóð en samt var ekki eins og hann kvalinn á neinn veg...bara óhljóð. Geithafurinn prufaði að hringja í dýra en hann svaraði ekki símanum, þannig að við sátum þarna lengi vel og þetta gekk yfir og hundurinn fór aftur að sofa. Í morgun var hann bara hress en þegar fór að líða á morguninn fór aftur að bera á þessu þannig að ég fór með hann til dýra um leið og hann opnaði seinni partinn. Þar var ég góða stund á meðan hundurinn var skoðaður í bak og fyrir og endaði á að fá tvær sprautur, en þetta virðist hafa eitthvað með hálsinn á honum að gera. En allavega núna á að fylgjast með honum í nótt og svo vill dýri fá hann aftur í fyrramálið.

Eftir þetta skrapp ég til Ravenna að versla smá, keypti mér ferðatösku þar sem ég treysti ekki á að mín gamla kæmist á leiðarenda í heilu lagi. Hef aldrei keypt mér svona dýra tösku áður og ætla ég rétt að vona að þessi endist þá eitthvað...ætti reyndar að gera það þar sem það er 30 ára ábyrgð á henni.  En allavega er farin að sofa þar sem ég þarf að gera milljón hluti á morgun.

Ekki minn dagur !

Suma daga er eiginleg bara best að vera undir feld. Fyrri partur dagsins var þannig hjá mér. Ég þurfti að fara út í morgun og var komin hálfa leið þegar ég finn eitthvað lenda á hendinni á mér...ég er ekki alveg viss hvort þetta var fugladrit eða hvort einhver var að spýta út um gluggann sem ég var að labba fram hjá. En allavega ég hélt ferðinni áfram og fór í búðina til að kaupa smá, er kominn þar að kassanum og er að bíða þar sem það er manneskja fyrir framan mig og svo eru nokkrar fyrir aftan ( bara einn kassi í gangi ) þá sé ég hvar amma gamla kemur inn og allt í lagi með það ég náttúrlega heilsa henni og held áfram að bíða í röð en nei sú gamla kemur að kassanum og treður sér að kassakonunni og segir hátt veistu hver þetta er ???? og bendir á mig hún bíður ekkert eftir svari heldur endurtekur þetta ábyggilega fimm sinnum og konu greyið verður hálf asnaleg og segir nei ekki nema bara ég hef afgreitt hana. Fólkið í kring er farið að horfa og ég farin að óska mér niður um gólfið. Hún var semsagt að tilkynna kassakonunni og öllum í röðinni að ég væri kona barnabarnsins hennar Svo rauk hún í burtu og talaði við sjálfan sig inn eftir búðinni......bara skelfilegt þegar fólk fer að verða svona ruglað.

 

Nóg að snúast..

Hef haft meira en nóg að snúast síðustu daga. Á föstudaginn var ég í hátt í 3 tíma í klippingu og strípum. Bara ljúft. Hárgreiðslukonan var svo spennt að fá að setja ljósar strípur og að klippa ljóst hár að hún var alveg að fara yfir um !! Ég reyndar leyfði henni bara alveg að ráða hvað hún gerði ..hvort það væru einn eða tveir litir af strípum og hvernig hún myndi klippa. Og ég er bara mjög ánægð með hvað hún gerði og ég held svei mér þá að hún hafi sett þær bestu ljósu strípur sem ég hef nokkru sinni haft.

Laugardagurinn fór í smá verslunarferð þar sem mig vantaði skó. Ekki mjög auðvelt að finna eitthvað í minni stærð hér frekar en annarstaðar reyndar. Óþolandi að vera með svona stórar lappir.

Í dag er ég svo búin að vera að taka til í fataskápum og þvo heilan helling. Var svo að enda við að taka niður gardínur svo að ég geti pússað glugga í fyrramálið. Semsagt nóg að snúast hér þessa dagana....ekki hægt að segja að það sé verkefna skortur allavega.

Jamm og já.

Er ennþá skelfilega tuskuleg en reif mig samt upp á rassgatinu í dag og kom ýmsu í verk. Skrapp meðal annars og pantaði mér klippinu þar sem ég er alveg eins og lukkutröll eins og er. Fékk tíma á föstudaginn og get ekki annað sagt en að það verður ansi ljúft að láta gera eitthvað við sniðugt.

Annars er ekkert að gerast frekar en venjulega. Er samt komin með ansi góða nettenginu en get ekki notað hana frá 9 á morgnana til 5 á daginn þannig að það er soldið skrítið að geta ekki tengst þegar manni hentar. En allavega later er farin að horfa á X-factor....

..........

Er hálf vindlaus enda lifi ég á ofnæmislyfjum þessa dagana og þau fara þannig í mig að ég get eiginlega sofið bara og sofið ! Það er samt skárra en að vera með rennandi augu og nef og að hnerra 100 sinnum á dag.

Helgin hefur bara verið róleg reyndar alveg frábært veður í dag hefur ekki verið gert mikið enda lítið gaman að vera á ferðinni þar sem það var þriggja daga helgi hér og í dag eru margir á heimferð. Við skruppum hitt og annað í gær samt og í nágranna bæ þar sem við fórum til að kaupa okkur ís hitti ég konu frá Filippseyjum sem ég hitti nokkru sinnum fyrir ábyggilega 3 árum síðan. Þá var vonlaust að tala við hana þar sem hún talaði nokkur orð í ensku og kannski 5 orð í Ítölsku. En þegar hún sá mig að þá stökk hún á mig og ég hélt ég kæmist ekki í burtu hún talaði út í eitt en ég skildi sama og ekkert þar sem hún er ennþá með sömu kunnáttu og fyrir þessum árum. Bara óþægilegt !! 

Annars er ekki mikið að gerast allt bara þetta same old same old....