Irri pirri.

Ekki varð nú eins mikið um tiltekt og ferðir á haugana eins og til stóð. Við byrjuðum að laga til í gærkvöldi og tókum til dót sem átti að henda. Þegar við komum niður í morgun var sú gamla búin að setja það allt aftur inn í skáp.  Það var tekið niður aftur og tæmdur einn skápur sem var fullur af drasli en engu mátti henda sú gamla þurfti að eiga þetta allt. Eggjabakkar og ónýtir pottar, niður rifin lök.. það þarf að eiga þetta allt. Við ætlum að bíða aðeins förum líklega í þetta um næstu helgi þar sem Geithafurinn sagði henni að fara þá með þetta inn til sín á næstu dögum ef hún ætlar að eiga þetta, hún getur þá sett þetta í tómu geymsluna sína.

Þannig að eftir þetta fórum við til Ravenna að versla inn fyrir vikuna og komum við í búð sem selur allt fyrir gæludýr þar sem okkur vantaði nýja hálsól á hundinn. Eftir ferð þarna inn langaði mig í hund og kött, hamstur og fiska þar sem það var til svo margt flott þarna !! Allskonar bæli, föt, búr og bara að nefna það. Það er bara ekki hægt að fá sér dýr þegar maður er alltaf á flakki milli landa.

Athugasemdir

[Sigrún (IP-tala skráð) 2.2.2008 kl. 18:56]

Hahahaha.... mig er nú bara farið að langa til að hitta þá gömlu

[Jóna Heiðdís Guðmundsdóttir, 2.2.2008 kl. 19:04]

Maður sér fyrir sér einhverja gamla samanskroppa kellingu sem tuðar út í eitt og er ferlega pirrandi, sem betur fer þarf ég nú ekki að eiga við svona.  Er ekki um að gera að fá sér hund eða kött eða hamstur eða fisk? Gefðu gömlu fisk þá getur hún tuðað í honum!