Eru ísbirnir á Íslandi ??

Þessa spurningu fékk ég frá kennaranum í morgun. Ég held svei mér þá að hún haldi að allir búi í snjóhúsum og það sé allt í ís á Íslandi. En annars var morguninn fínn ég var ein með nýjum kennara í 2 tíma og líst mér mjög vel á hana. Svo mátti ég ráða hvort ég léti það duga eða hvort ég myndi fara inn í bekk ( hjá kennaranum sem ég var hjá síðustu tvær vikur) þar sem ertu tveir nemendur sem byrjuðu í morgun bara til að vera í upprifjun og spjalla og svoleiðis. Ég náttúrlega tók það að vera í tímunum enda er um að gera að nota þessar 4 vikur vel þar sem þetta er ekki beint ókeypis! En já þessir nýju nemar eru stelpa frá Austurríki og strákur frá Sri Lanka, hann er reyndar bara í viku held ég þannig að kannski breytast tímarnir aftur í næstu viku en þessi vika verður allavega mjög fín.

Athugasemdir

[Jóna Heiðdís Guðmundsdóttir, 26.11.2007 kl. 17:35]

Þú verður að segja henni frá því hvernig við skríðum inn og út úr snjóhúsunum okkar og frá gæluísbjörnunum okkar! Þetta er dásamlegt, því að við höldum alltaf að við séum miðdepill alls. Væri reyndar alveg til í að fá smá snjó, svona til að lýsa upp umhverfið smá.

Hafðu það gott

[Brynja Hjaltadóttir, 28.11.2007 kl. 12:52]

Mig langar að vita hvað þú ert að læra. Blessuð segðu þeim sögur af ísbjörnum og sleðahundum og snjóhúsum þessum grasösnum þarna á Ítalíu. Öfunda þig af því að vera þarna núna stelpa...Væri til í að upplifa Ítalíu fyrir jól..þeas jólaskreytta.

[Ólöf , 28.11.2007 kl. 13:56]

Ég er í málaskóla að læra Ítölsku.  En já það er spurning um að tala um snjóhúsin okkar.