Fyrsti skóladagurinn.

Já fyrsti skóladagurinn að baki og gekk bara nokkuð vel. Geithafurinn keyrði mig á staðinn í morgun þar sem ég átti að vera mætt 8:30 en næstu dagar eru allir frá 9 til 13 þannig að ég tek rútuna fram og til baka. Þarf  reyndar að skoða aðeins betur strætó ferðirnar svo að ég komist kannski fyrr til baka heim. Ég var komin heim klukkan 3 í dag en ætti jafnvel að geta verið komin um 2. En þetta skýrist allt á næstu dögum.

Ekki erum við nú mörg í bekk við erum 3 stykki. Einn frá Austurríki og einn Þjóðverji og svo ég en þeir eru bara í eina og tvær vikur en ég í fjórar þannig að ég veit ekki hvernig þetta verður þegar lengra kemur. Það eina sem veldur mér smá vandræðum er nafnið mitt. Það halda allir að Ólöf sé karlmannsnafn og svo þegar fólk sér föðurnafnið að þá fölnar það upp og segist ekki geta sagt þetta.   En þetta verður bara fínt held ég, mjög heimilislegur skóli bara og allir tilbúnir að aðstoða þannig að þetta verður bara gaman.

Athugasemdir

[Sigrún (IP-tala skráð) 13.11.2007 kl. 10:57]

Já, það er ekki tekið út með sældinni að vera íslendingur

Gangi þér vel í náminu þínu !

[Jóna Heiðdís Guðmundsdóttir, 13.11.2007 kl. 12:59]

Vonandi verður bara gaman að kenna samnemendum þínum eftirnafnið þitt. Gangi þér vel.