Pirri pirr.

Hvað er í gangi í búðum nú til dags ! Þegar ég var í búð fyrir nokkrum árum síðan að þá átti kúnninn að vera númer eitt og maður átti að vera voða þjónustulundaður og kurteis. Í dag er þetta mikið breytt ég hef farið í nokkrar búðir hér á svæðinu síðustu vikur og í einni var starfsmaðurinn svo niðursokkinn í að lesa blað að hann mátti varla vera að því að afgreiða. Í annarri var afgreiðslu stúlkan svo hæg að ég hélt að ég myndi halda jólin þar og svo í dag að þá fór ég í búð og þar voru tveir kassar í gangi og langar biðraðir en hinir starfsmennirnir sem voru allavega fimm sem ég sá gengu saman í hóp og ræddu um hvað einhver strákur væri sætur !

Auðvitað er kannski gott að það sé smá meira frelsi í þessum störfum heldur en var, maður mátti ekki einu sinni hafa vatn á flösku hjá sér á kassanum en núna er drukkið og tuggið tyggjó eins og hver vill virðist vera. En vó hvað ég er ekki búðarlega sinnuð þessa dagana og eftir þessa ferð í dag að þá held ég að ég reyni í lengstu lög að láta búðarferðir vera !!

Athugasemdir

[margrét auður (IP-tala skráð) 12.6.2007 kl. 00:23]

Já það er rétt að það er mikið af ungu fólki að vinna við afgreiðslu sem fær ekki rétta leiðsögn. T.d  er ég hætt að nenna að fara á pizzustaði að láta þreytta þunna unglinga afgreiða mig sem eru að vinna fyrir pening fyrir inneign á gemsana og afborganir af bílalánum. Sorry ekki fordómar en staðreynd og hafði ekki taugar í þetta alla vegna hér á Rvk. En svo er það hin hliðin ,, ég er að afgreiða í hlutastarfi í verslun og ég er nú ansi oft hissa hvað kúnar leyfa sér að segja við mann og pirra sig yfir. Það sem kemur  mér mest á óvart er að eldri borgarar geta verið mjög dónalegir og það segja samstarfsmenn mér yngri sem hafa unnið í bónus eða hagkaup að það séu verstu kúnnarnir..

Hheheh Lölla áttum við ekki 20 ára gagnfræðaprófsafmæli,,, kannski erum við bara orðnir eldri borgara kúnnar.

Kveðja magga auður skólasystir

[Ólöf , 12.6.2007 kl. 15:46]

Já það er alveg satt að kúnnar nú til dags eru skelfilega dónalegir oft á tíðum. Þeir voru það þegar ég var í búð fyrir ansi mörgum árum síðan og hafa eflaust farið versnandi allavega virðist mér það á sögum sem ég hef heyrt.  Ekki sjens að ég gæti unnið í búð í dag....

En hehehe já kannski telst maður bara orðið til eldri borgara kúnna...spurning um að fara að athuga hvort að maður eigi ekki rétt á eldri borgara afslætti